ბორჯომის მუნიციპალიტეტის საკრებულოს სხდომათა დარბაზში საკრებულოს სხდომა გაიმართა, რომელსაც წარმომადგენლობითი ორგანოს თავმჯდომარე დავით ზაალიშვილი უძღვებოდა.

სხდომას ბორჯომის მუნიციპალიტეტის მერი ოთარ არბოლიშვილი ესწრებოდა.

დეპუტატებმა დღის წესრიგით განსაზღვრული საკითხები განიხილეს და დაამტკიცეს:

„ბორჯომის მუნიციპალიტეტის 2024 წლის ბიუჯეტის დამტკიცების შესახებ“ ბორჯომის მუნიციპალიტეტის საკრებულოს 2023 წლის 22 დეკემბრის N41 დადგენილებაში ცვლილების შეტანის შესახებ;

ბორჯომის მუნიციპალიტეტის ბიუჯეტის 2023 წლის შესრულების ანგარიში;

ბორჯომის მუნიციპალიტეტის მიერ 2023 წელს განხორციელებული სახელმწიფო შესყიდვების შესახებ ანგარიში;

„ბორჯომის მუნიციპალიტეტის ადმინისტრაციულ საზღვრებში ეკონომიკის რეგულირებად სფეროებად განსაზღვრული რეგულარული სამგზავრო გადაყვანის M3 კატეგორიის ავტობუსით მარშრუტებისა და სამგზავრო მარშუტებზე ტარიფების დამტკიცების, მოსახლეობის მუნიციპალური ტრანსპორტით მომსახურების ორგანიზებისა და ცალკეული კატეგორიების შეღავათიანი (უფასო) მგზავრობის შესახებ“ 2023 წლის 26 აპრილის N18 დადგენილებაში ცვლილების შეტანის შესახებ;

სოფლის მხარდაჭერის პროგრამის ფარგლებში ბორჯომის მუნიციპალიტეტის სოფელსა და დაბებზე თანხის გადანაწილების შესახებ;

ბორჯომის მუნიციპალიტეტის მდგრადი განვითარების მიზნების საშუალოვადიანი დოკუმენტების (2023-2030) დამტკიცების შესახებ 2023 წლის 26 აპრილის განკარგულებაში ცვლილების შეტანის შესახებ;

დაბა ბაკურიანში, გოდერძი ჩოხელის II შესახვევი N12-ში მდებარე ბორჯომის მუნიციპალიტეტის საკუთრებაში არსებული უძრავი ქონების (ს/კ 64.30.04.925) სახელმწიფოსთვის უსასყიდლოდ საკუთრებაში გადაცემის შესახებ;

დაბა ბაკურიანში მდებარე ბორჯომის მუნიციპალიტეტის საკუთრებაში არსებული უძრავი ქონების (ს/კ 64.10.05.502ა) სახელმწიფოსთვის უსასყიდლოდ გადაცემის შესახებ;

ბორჯომის მუნიციპალიტეტის საკრებულოს გენდერული თანასწორობის საბჭოს შექმნის შესახებ ბორჯომის მუნიციპალიტეტის საკრებულოს 2021 წლის 24 დეკემბრის Nგ-17.17213586 განკარგულებაში ცვლილების შეტანის შესახებ;

გარემოს დაცვისა და აგრარულ საკითხთა კომისიის თავმჯდომარის ანგარიში 2023 წელს გაწეული მუშაობის შეახებ;

ბორჯომის მუნიციპალიტეტის საკრებულოს II კვარტალის სამუშაო გეგმის დამტკიცების შესახებ.